Stuðningspakkar – Vertu hluti af vegferðinni!

Með því að velja stuðningspakka hjálpar þú okkur ekki aðeins að gefa út bókina „Styrkleikar í hjarta og huga – Ævintýri Dóra litla og Konstantíns“ heldur tekur þú virkan þátt í að bæta lífsgæði barna og fjölskyldna þeirra.

Bókin, sem kemur út í maí 2025, er fyrsta skrefið í því að skapa hlýlegan og uppbyggjandi heim fyrir börn með ADHD, þar sem þau geta uppgötvað styrkleika sína og byggt upp sjálfstraust.

Þín þátttaka er lykilatriði – með stuðningi þínum tryggjum við að þessar sögur nái til þeirra sem mest þurfa á að halda.

Allir stuðningspakkar innihalda afhendingu á bókum í maí 2025, og sérvaldir pakkar koma með aukahlutum eins og áritunum, þakkarlista og boði í útgáfuhóf.

Taktu þátt í að breyta lífi margra – styrktu verkefnið og vertu hluti af samfélagi sem trúir á styrkleika, jákvæðni og vináttu.

(A.T.H. Allar myndir eru gerðar með gervigreind, og eru eingöngu til að gefa hugmynd, ég er að leita að listamanneskju til að vinna með mér myndefni bókarnir.)

Stuðningspakkar fyrir bókaverkefnið

Gullpakki – 20.000 kr.

• Þrjár persónulega áritaðar bækur.
• Rafræna útgáfu af bókinni.
• Nafn þitt í þakkarlista bókarinnar.
• Boð í útgáfuhóf.

Platinupakki – 15.000 kr.

• Tvær persónulega áritaðar bækur.
• Rafræna útgáfu af bókinni.
• Nafn þitt í þakkarlista bókarinnar.

Silfurpakki – 10.000 kr.

• Tvær bækur (ein árituð).
• Rafræna útgáfu af bókinni.
• Nafn þitt í þakkarlista bókarinnar.

Brons + pakki – 5.000 kr.

• Ein persónulega árituð bók.
• Rafræna útgáfu af bókinni.
• Nafn þitt í þakkarlista bókarinnar.

Bronspakki – 3.500 kr.

• Ein bók (án áritunar).

Rafrænn pakki – 2.500 kr.

• Rafræna útgáfu af bókinni.

💛 Hvað ertu að styrkja? 💛

 Veita börnum rödd og von.
Bækurnar hjálpa börnum að skilja hugann sinn, sérstaklega þeim sem finna sig í stormi óreiðunnar, eins og Dóri litli.

 Byggja upp sjálfstraust og styrk.
Börnin læra að sjá sig ekki sem „vandamál“ heldur sem einstaka og kraftmikla einstaklinga með mikla hæfileika.

 Tengja fjölskyldur betur saman.
Með smáverkefnum og leiðbeiningum í bókunum fá foreldrar og börn verkfæri til að ræða saman um tilfinningar og áskoranir á opinn og kærleiksríkan hátt.

 Færa börnum andlegan stuðning.
Sögurnar og persónurnar, eins og Konstantín, hjálpa börnum að finna hlýju og vináttu, jafnvel þegar lífið reynist erfitt.

 Skapa nýja sýn á ADHD.
Bækurnar sýna að ADHD er ekki veikleiki, heldur einstakur eiginleiki sem getur orðið að styrk ef við lærum að skilja hann.

 Af hverju er þetta mikilvægt?
Þegar ég skrifa þessar sögur byggi ég á minni eigin reynslu, bæði sem barn með ADHD og sem fullorðinn sem hefur lært að sigra hindranir. Ég vil að börn og fjölskyldur upplifi styrk og von – og viti að þau eru ekki ein.

 Með hverri sögu erum við að leggja grunn að betra lífi fyrir börn, þar sem þau læra að elska og trúa á sjálf sig.

Takk fyrir að vera hluti af þessari vegferð.